Маин пайдаё вал ИФУСКО конференция - маде ИУФФУиЖ-ысь 3-тӥ курсын дышетскись Алина Кардапольцева
1-тӥ куартолэзьысен 5-тӥ куартолэзёзь Эстониысь Тарту карын ортчиз калыккуспо финн-угор студентъёслэн 34-тӥез ИФУСКО конференцизы. Со ортче арлы быдэ, 1984-тӥ арысен кутскыса, портэм городъёсын, регионъёсын но странаосын. Конференция люказ пӧртэм шаермылэн сэрегъёсысьтыз участникъёсты. Конференция люкемын вал секциослы, кылсярысь, фольклористика, лингвистика но мукет. Котькуд секциын студентъёс возьматӥзы асьсэлэсь ужъёссэс, кудъёсыз одно ик герӟаськемын кулэ вал луыны финн-угор калыкъёсын но кылъёсын. 3 нунал куспын конференцие пыриськись студентъёс возьматӥзы асьсэлэсь ужъёссэс. Котькудӥз конференцие пыриськись аслаз тодон-валанъёсыныз люкиськиз но, со дыре ик аслыз мае ке выльзэ шедьтӥз. Студентъёс сяна, конференцие озьы ик пыриськизы дышетӥсьёс но.
Вить нунал ӵоже котькудӥз ӝыт кыӵе ке но ужрадэн юнматэмын вал, кылсярысь, одӥгаз ӝытэ студентъёс тодматӥзы асьсэ калыксылэн кырӟанъёсынызы, эктонъёсынызы яке кыӵе ке но сям-йылолэнызы. Озьы ик вал пӧртэм экскурсиос. Возьматӥзы Тарту городэз, ветлӥмы Чутской ты дурысь староверъёслэсь гуртсэс учкыны. Ужрадъёс луонлык сетӥзы конференцие пыриськисьёслы ог-огенызы тодматскыны, кенешыны.
Конференция вал туж пайдаё. Котькудӥз басьтӥз аслыз марзэ ке но выльзэ, аслаз тодон-валанъёсыныз узырмытӥз конференцие пыриськем мукет студентъёсты. 2019-тӥ арын 35-тӥез ИФУСКО ортчоз Австриысь Вена городын.
Туспуктэмъёсыз Дарья Силиналэн