Логотип института удмуртской филологии, финно-угроведения и журналистикиИнститут удмуртской филологии,
финно-угроведения и журналистики

Слабовидящим

Николай Байтеряков

(09.08. 1923 – 01.04. 1997)

Байтеряков Николай

Николай Семёнович Байтеряков – поэт-фронтовик, удмурт калык поэт (1986), удмурт кылбуретысь XX-ти даурлэн кыкети люкетысьтыз тужгес но яркыт кылбурчи. Со вордиськиз 1923-ти арын 9-ти гудырикошконэ Удмурт АССР-ысь Варзи-Ятчи ёросын крестьян семьяын. Анаез солэн, Елизавета Ивановна, визьмо, дышетскем кышномурт вал, зуч кылэз тодиз. Со пиезлэн азинсконъёсызлы туж шумпотылиз. Но жоген Елизавета Ивановна кулиз. Пичи пияш, Коли, анайтэк кылиз, солы 10 арес вал. Нош 40 нунал ортчыса, анаез сьоры Оля сузэрез кошкиз. Коня ке дыр ортчыса, Быдзым Атыкай тыложын атаез бырыны сюре. Пичи Коли Никита выныныз чош кылиз.

Школазэ йылпумъямез бере 1938 арын Николай Байтеряков Можга педтехникуме дышетскыны пыре. Висеменыз сэрен дышетсконзэ йылпумъяны солы оз кылды. Николай ас гуртаз берытскиз, колхозын, озьы ик Ува ёросысь чугун сюресэз лэсьтонын ужаз. 1942–1944-ти аръёсы быдзым ожгарын танкист луыса ожмаськиз, жуаны но сюрылиз. Война бырем бере военно-политической училищеын дышетскиз. 1947-ти арын армиысь дораз бертиз, партийной ужась луиз. Со дырысен 1964-ти арозь инструктор луыса , парткабинетлэн кивалтисез, Алнаш но Пичи Пурга ёросъёсын подъясь (секретарь) луыса тыршиз. СССР-ысь Выли литературной курсъёсты йылпумъяз.

Николай Байтеряков школаын дышетскыкуз ик кылбур гожъяны кутскиз, но Можга педтехникумын дышетскемез солы тужгес но юрттиз кылбуран дуннее выйыны. Солэн нырысети печатласькемез – «8 Март» кылбур. Егит автор 1939-ти арын «Дась лу!» газетлэн бамаз но «Шудо пинал дыр» бичетын печатласькиз. 1953-ти арын «Кылбуръёс» нимо нырысети книгаез потиз. Зуч кылэ берыктэм нырысети бичетэз – «Вдоль серебряной Варзи» – Ижкарын 1969-ти арын печатласькиз.

Николай Байтеряковлэн кылбуръёсыз элькунмылэн сьораз литературной журналъёсын одиг пол гинэ оз печатлаське (кылсярысь, «Нева», «Дружба народов», «Волга», «Урал», «Наш современник», «Полымя» но мук.). Солэн ужъёсыз кызьлэсь ятыр кылъёсы берыктэмын. «Эш-Тэрек» поэмаез мадьяр кылэ берыктыса Венгриын печатламын. Та поэмалэн инъетэз – Эш-Тэрек батыр сярысь удмуртъёслэн дауркылъёссы но калык кылосысь кырзанъёс, кылан-буранъёс. Монголо-татар вакытъёсы удмурт батыр Эш-Тэрек тушмонъёс пумитэ жутске, солы Вумурт паймымон вал сётэ. Эш-Тэрек со понна Вумуртлы бигер нылэз кузьманы кулэ. Батыр сётэм кылзэ уг быдэсты, бырыны шеде (чошатэ Кедра Митрейлэн «Эш-Тэрек» трагедиеныз).

Кылбурчилэсь кылбуран дуннезэ куинь люкетлы висъяны луоно: ожгарлы сизем, граждан но яратон лирика.

Ожгар тема кылбурчилэн удысбураз одигез валтисез луэ. Советской солдат батыръёсын оградэ пуктэмын. Пусйымон таиз: кылбуръёсын уг кузёяськы тушмонлэн тусбуез-образэз, сое карган но адземпотостэм карон мылкыд (трос мукет кылбурчиосын чошатоно ке). Валтись мотив – опкелён, быремъёсты буре ваён:

     Эшъёсы быризы войнае –
     Кулэ ваньзэс буре вайыны.
     Со понна курисько, кикые,
     Ар возы эшшо ар ватсаны.

                  («Кикыен вераськон»)

Тросэз солэн ож кылбуръёсыз атайзэ тодэ вайыса гожтэмын («Тыныд, атай», «Ожын бырем атаелы»). Озьы ик кылбурчи анайлэсь но оген кылем кышномуртлэсь темазэ умой усьтыны быгатэ. Война быремын, но тросэз нылкышноос понна ожгар уно аръёс ортчыса но уз йылпумъяськы («Солдатъёс ке кошко» поэма, «Анныкей», «Оген кышномурт» кылбуръёс).

Н. Байтеряковлэн граждан лирикаез матын луэ со вакытэ кузёяськись эстрадной лирикалы. Та люкетысь кылбуръёс бадзым шудэн, чуказе нуналлы яркыт осконэн пачылмемын. Соос пыр автор данъя, вылэ жутэ ужась калыкез, дор палъёссэ. Вордиськем шаерез солы туж дуно. Байтеряковлэн геройёсыз улонлы шумпото. Котьма ке но, калыклэн сюлэмаз кылизы сыче граждан чуръёс, кытын «пичи родина» тема мултэс чеберъятэк усьтиське, кылсярысь, «Вай, ошмесэ...» кылбур, кудиз данъяськымон чебер кырзанлы пормиз.

Яратон лирика быдэсак сямен сайкыт мозмонэн пачылмемын. Отын уй суредъёс кузёясько, куд-ог чуръёсын С. Есенинлэн кылбуран мылкыдыз шодиське. Николай Байтеряковлэн лирической героез весь но весь возьма аслэсьтыз яратонзэ, сое трос ласянь дисьтисьтэм но шуыны луэ. 1970-ти аръёсы яратон лирика мукет палыныз усьтиське, бадзым инты басьтыны кутске кылбурчиен кылдытэм «оволтэм» дунне. Кылсярысь, «Лана» (1981) сузьетын со гожтэ:

     Мозмылон дыръёсам тонэ, Лана,
     Мон аслам вотъёсам кылдыти,
     Адзытэк но тонэ ярати,
     Мон возьмай тонэ, Лана.

Озьы ик Николай Байтеряков гожъяз веросъёс, выжыкылъёс. Тросэз кылбуръёсыз тодмо кырзанъёслы пормемын. Берпум улон аръёсаз со нылпиослы но гожъяны кутскиз вал. 1985-ти арын «Крезь бурд вылын» но «Кылбуръёс. Поэма» книгаосыз понна Н. Байтеряковлы Кун премия сётэмын.

1997-ти арын 1-ти оштолэзе Можгакарын Н. С. Байтеряков улонысь кошкиз.

(Надежда Никитина, Галина Глухова)

Николай Байтеряков

(09.08. 1923 – 01.04. 1997)

Николай Семёнович Байтеряков – поэт-фронтовик, наряду с Флором Васильевым и Александром Белоноговым является ярким представителем удмуртской поэзии второй половины XX века. Родился в селе Варзи-Ятчи Удмуртской АССР в крестьянской семье. Его мать, Елизавета Ивановна, рано умерла, Николаю было десять лет. Через 40 дней ушла сестрёнка Оля. В Великой Отечественной войне погибает отец. Остался Николай вдвоем с братом Никитой.

После школы в 1938 г. Н. Байтеряков поступил в Можгинский педтехникум. Из-за болезни завершить учебу не удалось. Вернулся в родное село, работал в колхозе, на строительстве железной дороги в Увинском районе. В 1942 по 1944 гг. сражался на фронтах Великой Отечественной войны танкистом. После окончания войны учился в военно-политическом училище. В 1947 году демобилизовался из армии, был партийным работником в Алнашском и Малопургинском районах, работал в газете «Ленинское знамя» (г. Можга). Окончил областную партийную школу в Ижевске и Высшие литературные курсы Союза Писателей СССР в Москве. С 1958 г. он стал членом Союза писателей СССР .

Начал писать стихи еще школьником, но серьезным толчком к литературному творчеству стала учеба в Можгинском педтехникуме. Первая публикация – стихотворение «8 Март» («8 Марта», 1939). В 1953 г. вышел его первый сборник «Кылбуръёс» («Стихотворения»). Поэма «Эш-Тэрек» и ряд стихотворений переведены на венгерский язык и опубликованы в Венгрии. Основой поэмы «Эш-Тэрек» явилось фольклорное предание о богатыре Эш-Тэреке, который в монголо-татарскую эпоху при помощи чудесного коня борется с врагами своего народа (ср. трагедию «Эш-Тэрек» Кедра Митрея).

Лирику Николая Байтерякова можно условно разделить на военную, гражданскую и любовную.

Военная лирика. Свои стихи, обращенные военной тематике, Николай Байтеряков издает лишь в третьем сборнике (1960-е годы). Его военная лирика рассказывает о малоизвестных страницах героической борьбы советских людей с фашизмом, о мужестве советских солдат, о тех, кто пропал без вести, но не был сломлен, кто погиб смертью храбрых и навечно остался на поле боя. Основным мотивом военной лирики поэта является мотив памяти о погибших солдатах. Славу, почести живые должны делить с теми, кто погиб в бою:

     За двоих я живу на земле,
     За двоих рассчитался с войною,
     За двоих счастье выдано мне,
     За двоих мне и горе двойное…

Николай Байтеряков – один из гуманных удмуртских поэтов в военной лирике. Ни в одном из стихотворений поэта не встречается ненавистный образ врага-фашиста. Многие его военные стихотворения написаны в память об отце. Стихи пронизаны любовью и болью к одиноким женщинам, которые потеряли своих мужей и сыновей на войне («Анныкей», «Оген кышномурт» («Одинокая женщина») и др.).

Гражданская лирика его близка к русской «эстрадной лирике» 1950-х годов. Эти стихотворения оптимистичны. В них автор восхваляет простого труженика, свои родные края. Любовь к родному краю наполняет жизнь смыслом, служит нравственным мерилом, источником вдохновения, творчества. Гражданская лирика Байтерякова во многом созвучна с есенинской. В его стихах рассказывается о детстве, семье, деревне. Природа в пейзажной лирике поэта имеет душу, она очеловечена, жива. Особо выделяются образы сельской ночи и ночной тишины.

Ранняя любовная лирика наполнена грустью. Лирический герой Н. Байтерякова находится в ожидании своей любви, он расстраивается, что любимая не торопиться на встречу. Но в 1970-е гг. любовная лирика меняется в другую сторону. Лирический герой Байтерякова теперь романтичен. Образ любимой девушки/женщины «живет» в мечтах поэта, лирический герой верит в большую любовь. Ярким примером является цикл стихов «Лана» (1981), героиня которого существует лишь в воображении и грёзах поэта. Многие стихи Н. Байтерякова стали известными песнями.

В течение всей жизни Н. Байтеряков выпустил на родном языке 11 стихотворных сборников , 4 книги с прозаическими произведениями (рассказы, сказки). В последние годы своей жизни он начал писать детям. Через свои рассказы и сказки он учил детей любить и ценить нашу природу. Умер он 1 апреля 1997 г. в г. Можге.

(Надежда Никитина, Галина Глухова)