Таяз арын институтмы нош ик пумитаз удмурт кылэн тунсыкъяськись студентъёсты. Удмурт кылэз дышетӥзы Венгриысь, Финляндиысь но Эстониысь вуэм куноос. Занятиосы ветлэмзы сяна, соос пыриськизы пӧртэм мастер-классъёсы, ужрадъёсы, вуылӥзы музейёсы, лыдӟиськонниосы, Удмурт шаерлэн трос сэрегъёсаз. Институтысь студентъёсмы куноосты гурт улонэн тодматӥзы. Удмурт кылъя курсъёсты ортчытон институтмылэсь но университетмылэсь калыккуспо кусыпъёсты юнматонъя ужзэ азьланьтэ - тае пусйиз курсъёсты ворсан ӝытэ Галина Витальевна Мерзлякова ректормы но.
Котькуд аре кунгож сьӧрысь вуэм студентъёс шумпотыса тодматско удмурт калыклэн улонэныз, культураеныз, кылыныз. Тросэз соос пӧлысь выльысен берытско университетамы тодон-валанзэс будэтыны. Институтамы дышетскисьёс но мылысь-кылысь пыро курсъёсты радъян уже - соос, кунгожсьӧр студентъёслы юрттыса, асьсэлэсь англи кылзэс волято.
Оскиськом, вуоно арын университетамы эшшо тросгес удмурт кыллы синмаськем студентъёс вуозы.
