СлабовидящимСлабовидящим

Александр Белоногов

(04.04.1932 – 2011.??)

Белоногов Александр Егорович

Вордӥськиз Татарстанысь Менделеево ёросысь Вандэмо (Монашево) гуртын, огшоры крестьян семьяын. Пинал дырыз секыт ожгар дыръёс ортчиз. Нырысь кылбуръёсыз 1950-тӥ аръёсы печатласькизы, Белоноговлэн дышетӥсез луиз солэн ёросчиез дано Михаил Петров, «Вуж Мултан» романлэн но «Италмас» поэмалэн авторзы.

Улонэзлэн визылъёсыз. Белоноговъёслэн семьязы, коттыр утчаса, Молотово (Пермь) каре лыктэ, Кам вылысь шур пароходствое. 18 аресъем пияш земснарядын ужа, яке шур вылысь судноын, кудӥз ву пыдсысь музъемез сыске. Солэн выныз Николай (тодмо удмурт прозаик) берло гожъяз, кызьы Александр, тулкымъёслэн шимес кужыменыз нюръяськыкуз, ӧжыт гинэ вуэ ӧз быры. Сыӵе «пылатон» но быдэ вуон йылол сярысь А. Белоногов огаз кылбураз тазьы вера: «Тонэ-а уг данъя мон, Кам? /…/ Куке но монэ пылатӥд вуосад». 1952–53-тӥ аръёсы Можгаын ёрос газетлэн редакцияз ужа. Трос гинэ кылбуръёс гожъя. Но чуръёслэн мултэс «декларативной» луэмзы понна егит авторез М. Петров пыкылэ. А. Белоногов вань киужъёссэ сутэ, литература удыслэсь куштӥське но Сарапулын садоводлы, мушкасьлы дышетске. Ужудысэз воштон, выль тодмоосты шедьтон, выль лушкем яратон – ваньмыз та кылбурчилэсь пушдуннезэ буйгатэ, автор нош ик гожъяськыны кутске. 1958-тӥ арын «Нырысетӥ вераськон» бичетэз потэ. «Оскон» (1961) книгаез печатласькем бере А. Белоноговез СССР-ысь гожъясьчиослэн огазеяськоназы куто. Дышетсконзэ Удмурт пединститутын азинтэ, собере Москваысь М. Горький нимо литинститутысь Вылӥ литературной курсъёсы пыре. Берпуметӥзэ, «йырыз висьылэмен сэрен» (ачиз верамъя), йылпумъяны уг быгаты. Та дыре солы ӟуч поэтэн Анатолий Жигулинэн матэ кариськыны луонлык кылдылэ (соиз сокугес гинэ сталин пытсэтъёсысь мозмытэмын вал), нош удмурт кылбурчи эшъяськонзылэсь ачиз палэнске (кызьы тодӥськом, А. Жигулин собере Флор Васильевен умой кусыпъёс радъя, удмурт кылбуръёсты ӟуч лыдӟисьёс понна вӧлмытонын бадӟым уж нуэ).

Выль утчанъёс. 1960-тӥ аръёслэн кутсконазы ик А. Белоногов Можгаысь медучилищеез синмаськымон йылпумъя (аслаз поэтлэн верамезъя, кышноез юрттэмен), озьы фельдшер луыса Алнаш ёрось детдомын ужа. Собере врача-ординаторлэсь ужзэ Можга дорысь «Сосновый Бор» санаторийын быдэсъя. Поэтлэн нырысь кылбуръёсыз трос ласянь «эстрадной лирикалы» (Е. Евтушенко, А. Вознесенский) матынэсь ке вал, табере ини Пужым Яг котырысь югдур но инкуазь солэн кылбуръёсызлы выль сайкыт шокчон кужым сёто. «Покчи родиналэн» лулыз-кылсуредэз (тодэ ваём Флор Васильевлэсь Бердышсэ) литературалэсь но улонлэсь выль сюлэмлыко палъёссэ усьтэ-шарая, зэм, чуръёсыз партилэн огъя куронъёсызлы пумит уг луо. Котьма ке но, Ижкарысь книгапоттонни А. Белоноговлэсь выль книгазэ печатланы пумит кариське, мугзэ валэктэ, кылбурчи, пе, «ачиз сярысь» мултэсгес вераны турттэ. Белоноговлэн сюлэмыз чигиське, кык арлы гожъяськемысь дугдылэ, аспӧртэмлыко кризис йылпумъяське «Тузь омырен шокаса» (1967) бичет потэм бере гинэ. Та книгая валамон луиз, А. Белоноговлэн кылбуретаз Дыр валатон нимысьтыз инты басьтэ шуыса, та образ бичетысь бичетэ выже но пуштросэзъя узырме.

«Ӝуало италмасъёс» (1973) но тужгес ик «Вуберганъёс» бичетъёс (1977) возьматӥзы, удмурт кылбуретэ натурфилософской шуштросъем поэт пыриз шуыса. Аслэсьтыз вакытсэ-даурзэ валэктон мылкыдын кылбурчи малпаське но оске, гурт но город матысь дыре ог-огенызы матэяськыны быгатозы но соос куспысь пӧртэмлыкъёс ӝоген бырозы шуыса: «Оло гуртъёс мыно-а городэ, / Я городъёс лыкто-а гуртъёсы – / Пумен соос луо ни кадь артэ / Пумен юнгес луэ эшъяськонзы». Кылбуран килтӥрлык ласянь ке, А. Белоногов сонет но сонет тугоко жанръёс бордын пыр-поч ужа, ӝоген удмурт сонетистъёс пӧлысь одӥгез тужгес но тодмоез луэ.

Воштӥськонъёс. «Воштӥськонъёсты возьман», яке выльдӥськон – та кылъёс тужгес но шонер валэкто, кыӵе мылкыдъем луэ А. Белоноговлэн удысбурез 1980-тӥ аръёсы. Поэт гуртлэн но карлэн матэяськемзылы оскемысь дугдэ, кылбуръёсаз улонлэсь палэнэ сюрем адямилэсь – маргиналлэсь – тусбуйзэ но пушдуннезэ возьматэ; сыӵе мурт пушкысьтыз эриксэ ыштэмын но уг оскы, городысен вӧлмись цивилизацилэн катъёсыз улонмес умойгес карыны быгатозы шуыса. «Шимес уйвӧт» – кылбуръёсын валтӥсь тема но яркыт метафора («Ӵукна кылбуръёс», «Шимес уйвӧт» но мук.), таӵе чуръёсын дырлэн «дугдэмез», йырчукинлык, пеймыт йырсазьысь кылсуредъёс валтӥсь инты басьтыны кутско:

 Воштӥллям мынэсьтым нимтулме,
 Мон мукет кин ке но луэмын /…/
 Кинъёс ке веть уз оске ук чик,
 Малпамын шуозы, поръямын.

1990-тӥ аръёслэн кутсконысьтызы лирика – со туала адямилэн драмаез, курадӟонъёсыз, кудӥз аслэсьтыз дуннелы кулэтэмзэ шӧдӥз. Со малпаське, татчыозь шонер-а улӥз, улонлэн кризисысьтыз потыны луоно-а. Азьвыл улэм улон адямилэн пеймыт йырсазяз возиське, дуннелэн йырчукинлыкез геройлэн пуш йырчукинлыкезлы берытскыны турттэ. А. Белоногов юромо ӵукпал поэзиысь рубаи жанрез ужаз кутэ, озьы туала йырчукинлыклы пумит ӵукпал (восток) визьбурез пуктэ кадь.

Оглом, А. Белоноговлэн лирикаез натурфилософия ӧре кыстӥське, шуре-коже «кымаськем» кизилиё инбам но, «вунэтэм шай» но, аналтыса кельтэм сюрес но – ваньмыз ик со кылбурчилэсь пушдуннезэ валэктэ. Поэт юромо шоркарысь литература улонэ уг пыриськы, бугырес улонлэсь палэнынгес возиське (Можга карын улэ).

Берпуметӥ аръёсы Александр Егорович лирической кырӟан жанр удысын трос ужаз, аслаз чуръёсызлы ачиз ик крезьгур гожъяз. 2011-тӥ арын со Элькунысь Кузебай Герд нимо премилэн лауреатэз луиз. Куартолэзьлэн пумаз А. Белоногов ас юртысьтыз потэ но берен уг берытскы ни; солэн мугорыз шедьтэмын ӧвӧл.

(Евгений Китов, Виктор Шибанов).

Александр Егорович Белоногов

(04.04.1932 – 2011.??)

Родился в дер. Вандэмо (Монашево) Менделеевского района республики Татарстан в крестьянской семье. Его детство выпало на трудные годы войны. Первые стихотворения были напечатаны в 1950 году, наставником Александра стал его земляк М.П. Петров, автор романа «Старый Мултан» и поэмы «Италмас».

Жизненные поиски. Поиск заработка приводит семью Белоноговых на камское речное пароходство в г. Молотово (Пермь). 18-летний парень устраивается на земснаряд, речное судно, высасывающее грунт из-под воды. Его брат Николай (тоже удмуртский писатель) впоследствии описал, как Александр едва не погиб в борьбе с водной стихией. Об этом «купании» или инициации взросления говорится в одном из стихотворений А. Белоногова: «Тебя ль не прославить, Кама? /…/ Когда-то меня ты искупала в своих водах». В 1952–53 гг. работает в г. Можге в редакции местной районной газеты. Пишет много стихов. Но за «декларативность» его критикует Михаил Петров. А. Белоногов сжигает все рукописи, отказывается от литературной работы и учится в г. Сарапуле на пчеловода-садовода. Смена профессии, новый круг знакомств, романтическая влюбленность – все это восстановило внутреннее равновесие, и Александр Егорович снова взялся за перо. В 1958 году издается его сборник «Нырысетӥ вераськон» («Первый разговор»). После сборника «Оскон» («Надежда», 1961) А. Белоногов был принят в члены Союза писателей СССР. Он продолжает учебу в Удмуртском пединституте, на Высших литературных курсах в Литературном институте им. М.Горького, которые, к сожалению, не закончил «из-за частых головных болей» (по словам самого поэта). В Москве у А. Белоногова была хорошая возможность сблизиться с поэтом Анатолием Жигулиным, отсидевшим в сталинских лагерях, но удмуртский поэт сам не отозвался на дружеский отклик, что, возможно, сказалось бы на его будущем (как известно, затем А. Жигулин много сделал для популяризации среди русских читателей стихов Флора Васильева).

*Новые поиски. Но почти в то же время в 1964 году он заканчивает с отличием (благодаря жене, по словам поэта) Можгинское медучилище и работает фельдшером в детдоме Алнашского района. Затем исполняет обязанности врача-ординатора в санатории «Сосновый Бор» Можгинского района. Если ранние стихи поэта в чем-то созвучны общероссийской «эстрадной лирике» в духе Е. Евтушенко и А. Вознесенского, то обстановка и природа Пужым Яг – Соснового Бора – дают его стихам новое дыхание. Образ «малой родины» (вспомним роль и место Бердышей в «тихой лирике» Флора Васильева) актуализирует новые нравственно-эстетические грани литературы, правда, все же сопряженные с партийным принципом отражения действительности. Тем не менее, книжное издательство отказалось выпустить новый сборник стихов, считая, что поэт пишет «слишком о себе».

Обида и душевный протест выразились в двухлетнем творческом кризисе, который закончился с выходом книги стихов «Тузь омырен шокаса» («Вздыхая запах медуницы», 1967). Уже здесь одним из ключевых образов творчества А. Белоногова становится образ Времени, который усложняется из сборника в сборник. Сборники «Ӝуало италмасъёс» («Сияют купавы», 1973) и особенно «Вуберганъёс» («Водовороты». 1977) показали, что перед нами поэт натурфилософского склада мышления. В духе осмысления времени он размышляет о возможном стирании граней между городом и деревней: «Оло гуртъёс мыно-а городэ, / Я городъёс лыкто-а гуртъёсы – / Пумен соос луо ни кадь артэ / Пумен юнгес луэ эшъяськонзы» (То ли деревни идут в город, / То ли города возвращаются в деревню – / Постепенно они становятся ближе друг к другу, / Постепенно их дружба крепнет). В плане техники А. Белоногов осваивает жанр сонета, венка сонетов и наряду с Аллой Кузнецовой становится одним из ведущих удмуртских сонетистов.

Перемены. «Ожидание перемен» – эти слова характеризуют общий дух стихов А. Белоногова 1980-х годов. Поэт постепенно перестает верить в сближение города и деревни, он создает образ человека-маргинала, утратившего в душе природную свободу и не принимающего законы городской цивилизации. «Страшный сон» – ключевая тема и яркая метафора в стихах А. Белоногова («Ӵукна кылбуръёс» = «Утренние стихи», «Шимес уйвӧт» = «Ужасный сон» и др.), в которых лирический герой пытается разобраться в проблемах безвременья, беспорядка, синтеза подсознательного и потустороннего начал:

 Воштӥллям мынэсьтым нимтулме,     Изменили мое имя,
 Мон мукет кин ке но луэмын /…/     Я превратился в кого-то другого /…/
 Кинъёс ке веть уз оске ук чик,      Кто-то ведь не поверит,
 Малпамын шуозы, поръямын.      Скажет, выдумываешь, фантазируешь.

Лирика начала 1990-х – драма человека, ощутившего ненужность, отверженность. Кризисное мировосприятие лирического сознания вызвано гнетущим сомнением правильности собственной жизни. Но прошедшая жизнь, вчерашний день существуют в подсознании, а современная фрагментарная действительность также пытается захватить сферу мышления поэта. Интенсивно осваивая жанр рубаи, поэт словно старается противопоставить современной хаотичности и безвременью восточную мудрость.

В целом, лирика А. Белоногова тяготеет к натурфилософичности: и перевернутая в «речном омуте звездная гладь», и «забытое кладбище», и «брошенная дорога» – все это отражает внутренний мир удмурта. Поэт сознательно не участвовал в столичной литературной жизни и держался провинции (живет в г. Можга).

В последние годы Александр Егорович много работает над жанром лирической песни, сам же сочиняет музыку. В 2011 году он стал лауреатом республиканской премии им. Кузебая Герда. В конце мая А. Белоногов вышел из своего дома по направлению к садоогороду и обратно не вернулся; его тело не найдено.

(Евгений Китов, Виктор Шибанов).