СлабовидящимСлабовидящим

Алла Кузнецова

(29.11.1940 – 12.08.2003)

Алла Кузнецова

паймымон дӥсьтӥсь шара нылкышно кылбурчи

Кирпич заводын огшоры ужась, фрезеровщица, огъяулонниын комендант, библиотекарь, выж миськись, книга вузась, культура удысын ужась, тубсанаториын воспитательница… Шара гожъяськон манеро удмурт поэтесса. Поэзие выль образ ваиз – сьӧлыко, укылтэм, пиосмуртъёсты серекъясь нылкышно образ («сьӧлыко адями мон»). Алла Кузнецовалэн вылӥ быгатонлыкез сярысь сонет тугокоосыз верало, соос пӧлын тужгес адӟымонэз но тунсыкоез Ашальчи Окилы сӥзем «Чигвесь» акросонет тугокоез луэ.

Секытэсь но сютэм война аръёс Алла Кузнецовалэсь улон сюрессэ но гожъяськон быгатонлыкъёссэ тодмостӥзы. Вордӥськиз со Чимошур гуртын (Удмуртия, Дэри ёрос). Алла Кузнецовалэн атаез – Кузнецов Алексей Исаакович, кошкиз фронтэ, бертӥз, но мукет семьяе, анаез – Лукиных Пелагея Архиповна, кык нылъёссэ огназ будэтӥз. Кӧня ке вакыт пичи Алла улӥз но дышетскиз интернатын, соин ик со туж ӟеч тодӥз ӟуч кылэз но. Трос муртлы юрттӥз кылбуръёссэс кылысь кылэ берыкъяны, чурул (подстрочник) лэсьтыны. Алла лыдӟыны туж яратӥз, школаын активистка вал. Дышетскыкуз ик со 16 арескысен зэмос кылбуръёс гожъяны кутскиз. Городэ пегӟеменыз сэрен, ас вакытаз Алла Алексеевна школаез уг йылпумъя. Собере ини 34 арескын со Элькун заочной школаез быдтэ. Алла Кузнецова – Инмарен быръем кылбурчи, солэн ӧвӧл вылӥ дышетскемез, солэн школаез – ачиз улон. Нырысь Алла Кузнецова ӟуч кылын печатлаське (1966), собере гинэ удмурт кылэ выже (1968). Ӧз удалты Алла Алексеевналэн семьяен улонэз, ӧз шедьты со аслэсьтыз шудзэ. Вордӥз со ньыль пинал. Жаляса верано, солэн пиналъёсыз быдэс Элькунэ пазяськизы («пиналъёсыз будӥзы кин кытын»). Таин сэрен сое кикы-анаен ӵошатыны луоз. Нырысь-валысь гожъяськонзэ но вылӥ ӧз дунъялэ, мыл потытэк кадь печатлазы солэсь кылбуръёссэ. Жаляса верано, сямызъя Алла туж ляб вал, сое трос алдазы, ӝоже уськытъязы, ултӥязы. Сузэрез – Людмила Созонова-Лукиных – тодаз вае, сое тышкасько ке вал, ваньзэ куштэ но кошке шуыса.

1976: «Чуръёсы тыныд» (Строки тебе) – нырысетӥ кылбур бичетэз. Тематика ласянь туж узыр та кылбурчи: инкуазь но яратон, войнаез карган но анаез тодэ ваён, туала улон сярысь малпаськон но трос мукет. Анай луонлык, вордӥськем шаереныд данъяськон, аракы юон, яратыны кышкан, войнаез карган мылкыд – валтӥсь темаос та бичетаз. Аспӧртэмлыко суреда кылбурчи сютэм война аръёсты («пот нянен пушнер щыд», «картофка табань», атайтэк будон), кезьыт школа юртын эгырен гожъяськыны дышемзэ. Тодмо критик, Зоя Богомолова, таӵе дунъет сётэ Кузнецовалэн кылбуръёсызлы: «Солэн кылбуръёсыз секыт, трос шугадӟонъёсын тырмем пичи но пинал дырызлы, самой матысь адямиосызлы куатаськонлы, войнаын яратоно атайзэ ыштонэзлы, аслэсьтыз улонын интызэ но яратонзэ утчанлы синучкон луо». Собере, 1984-тӥ аре «Малы меда?» бичетэз печатлаське. Татчы пӧртэм пуштросо кылбуръёс пыризы: улонысь ас интыдэ утчан, шудтэм яратон, яратонлэсь мӧзмон, улон сярысь малпаськон, астэ инкуазьлэн люкетэз шуыса шӧдон. Одӥгез ӵем кутӥськись кылчеберман амалэз психологической параллелизм луэ. Озьы ик поэтикаяз теза-антитеза амал, ваче пумит кутӥськись кылъёс, кылсуредъёс, гротеск, литота адӟымон инты басьто. Алла Кузнецовалэн эшшо одӥг аспӧртэмлыкез: солэн лирикаяз ӵем кутӥсько огшоры вераськон стильысь кылъёс но предложениос. 1991-тӥ аре «Чимошуре, Чимошуре…» бичетэз печатласькиз. Пусйыны быгатом татысь таӵе валтӥсь малпанъёссэ: аслад вордӥськем шаереныд, Россиен данъяськон, удмуртъёслэн но ӟучъёслэн эшлыко кусыпсы сярысь, вордскем гуртлэсь мӧзмон мылкыд, анаез, солэсь дышетэмзэ тодэ ваён.

1995: «Лушкем яратон=Интим». Кылбурчилэн чуръёсаз яратон тематика одӥгез валтӥсез луэ. Солэн лирической героиняез понна яратон – нимаз дунне, узырлык, улонлэн бадӟым кузьымез. Алла Кузнецовалэн лирикаез чик уг укша Ашальчи Окилэн дӥсьтонтэк, возьытлыкен пыӵам чуръёсызлы. Лирической героиняез – сьӧлыко палкышно. Кылбурчи ӵемысь палдуро яратонэз суреда но оген кылёнлэсь кышка. Любовь Федорова аслаз статьяяз таӵе малпанъёссэ вера: «Ми шедьтӥськом Алла Кузнецовалэн лирикаысьтыз эротической кутсконэз, яркыт, шара суредамын яратӥсь муртъёслэн кусыпъёссы». «Лушкем яратон=Интим» (1995) бичетаз пыриз «Кобла мон…» мур философиен кылбурез:

     Кобла мон:
     Вылам бадӟым воз тыремын,
     Вормид ке но,
     Уд ке но –
     «Ну!» – шуэмын.
     Ыж йыр мон:
     Монэ такаос котырто,
     Бӧксо,
     Лекало,
     Тэтчало но шудо.
     Озьы ик мон скал но:
     Кунян вайисько,
     Йӧлме сётӥсько но
     Гидын улӥсько.
     Мон ик чонари вотэсэ сюрем кут:
     Золтэм вотэсысь потэме но уг лу.
     Ачим ик, лэся, чонари луисько:
     Асме кутӥсько но асме быдтӥсько.
     Мон кый но, дыдык но,
     Эбек но сяська.
     Чебер потӥсько ке – кӧты но веська.
     Куштэм палкышно мон.
     Коть оскы, коть эн,
     Пӧртэм кыйкайлы укшасько чиданэн.

Та кылбурез сярысь В. Пантелеева гожтэ: «Кылбур лирико-драматической мылкыдын гожтэмын, лирической героиняез («мон») кык дуннеос вискы – творчество (кылбурет) но яратон (анай луон) – пачкатэм кышномурт».

Алла Кузнецоваез вунэтыны уг луы. Со удмурт кылбур дуннеез сонетъёсын, акросонетъёсын, диакросонетъёсын, акрочуръёсын узырмытӥз Солэсь бадӟым быгатонлыкен кылбурчи луэмзэ кырӟанъёсыз но калык пӧлын улӥсь кылбур чуръёсыз возьмато. З. А. Богомоловалэн чакламезъя Алла Кузнецова тодэ вайытэ ӟуч кылбурчиез Ксения Некрасоваез.

Алла Кузнецова 2003-тӥ арын шудтэм учыре сюрыса быре.

(Роза Николаева, Любовь Федорова)

Алла Кузнецова

(29.11.1940 – 12.08.2003)

удивительно смелая поэтесса

Чернорабочая на кирпичном заводе, фрезеровщица, комендант общежития УдГУ, библиотекарь, уборщица, продавец книжного магазина, воспитательница в тубсанатории в городе Чарджоу, удмуртская поэтесса, не побоявшаяся открыться своим читателям. Принесла в поэзию образ грешной, роковой женщины («великая грешница я»). Одна из её самых интересных работ – акросонет «Чигвесь», посвященный Ашальчи Оки.

Голодные, тяжёлые военные и послевоенные годы определили человеческую судьбу и поэтический талант Аллы Кузнецовой. Родилась она в деревне Чимошур (Удмуртия, Завьяловский район). Отец Аллы Алексеевны – Кузнецов Алексей Исаакович, ушел на фронт, вернулся, но в другую семью, мать – Лукиных Пелагея Архиповна, воспитала двоих дочерей одна. Некоторое время маленькая Алла жила и училась в русскоязычном интернате, поэтому в совершенстве владела русским языком, сама переводила свои стихи на русский язык. Она очень любила читать, в школе была активисткой. На её судьбу, в первую очередь, повлияло трудное военное детство, частые послевоенные переезды (Кизнерский район д. Большая Бодья, Завьяловский район д. Чемошур, д. Новая Казмаска, Ижевск). Во время учебы в 16 лет Алла Алексеевна начала писать настоящие стихи. В своё время поэтесса не получила среднего образования, «блудная дочь» ушла из школы в город, потом, уже в 34 года, окончила Республиканскую заочную среднюю школу. Алла Алексеевна – поэт-самородок, она не получила высшего образования, её школа – жизнь. Поэтесса начинает печататься на русском языке (1966 год), лишь затем – на удмуртском (1968 год). Не сложилась у Аллы Алексеевны и семейная жизнь, не нашла она свою половинку. Родила четверых детей, которые впоследствии были разбросаны по всей стране. В своих воспоминаниях поэтесса напишет: «Дети росли кто где». Аллу Кузнецову в связи с этим можно сравнить с кукушкой. В 1970-е годы коллеги по перу не оценили её творчество, неохотно печатали стихотворения Кузнецовой. По воспоминаниям сестры Людмилы Созоновой-Лукиных Алла Алексеевна по своей натуре была очень ранимой: «Она была такая, если её наругают, всё бросит и уйдёт». Эта черта характера обусловила драматические стороны её биографии.

1976: «Строки тебе» (Чуръёсы тыныд) – первый сборник. Следует заметить, что очень разнообразна, богата тематика поэтессы: любовь и природа, патриотизм и социальная проблематика, жизненная философия. Основные темы первой поэтической книги – счастье материнства, патриотизм, алкоголизм, боязнь любить, ненависть к войне. Алла Кузнецова показывает голодную военную и послевоенную жизнь (блины из гнилой картошки, еда из липовых листьев), учёбу в холодных классах. Известный критик З.А. Богомолова даёт такую оценку стихам Аллы Алексеевны: «Её стихи – зеркало трудного, полного испытаний детства и юности, горькой обиды на самых близких людей, потери на войне любимого отца, скитаний в поисках пристанища…и любви». В 1984 году печатается сборник «Малы меда?». Сюда вошли разные по содержанию стихотворения: поиск своего места в жизни, несчастная любовь, тоска по любви, думы о жизни, я – часть природы («поэтесса называет себя дочерью природы» /Федорова/).

Психологический параллелизм – один из часто втречающихся приёмов в поэтике Кузнецовой. Также видное место занимают теза-антитеза, контраст, поэтическая антонимия, гротеск, литота, паремия. Ещё одна особенность лирики Аллы Алексеевны: она часто использует просторечную лексику. В 1991 году издается ещё один сборник – «Чимошуре, Чимошуре…», в котором прослеживаются следующие темы: гордость за свой родной край, за Россию, дружбу между удмуртами и русскими, тоска по родной деревне, воспоминания о матери, её наставления, нравоучения.

1995: «Лушкем яратон=Интим». Любовная тематика является одной из главных в творчестве Аллы Алексеевны. Для её лирической героини любовь – это отдельный мир, богатство, подаренное жизнью. Лирика Кузнецовой совсем не похожа на робкую, застенчивую лирику Ашальчи Оки. Л.П. Федорова в своей статье пишет: «Мы находим в лирике Аллы Кузнецовой присутствие эротического начала, яркое, открытое описание взаимоотношений влюбленных». В сборник «Лушкем яратон=Интим» (1995) вошло философское стихотворение «Я лошадь…», переведённое самой поэтессой. Здесь мы видим, что лирическая героиня не боится быть открытой, она не стремится себя оправдать:

     Я лошадь –
     Везу непосильный свой груз,
     А время-ямщик обгоняет.
     Овца я –
     И блею, и стада держусь,
     Бараны меня принимают.
     Корова я тоже –
     Томлюсь и доюсь,
     И пью своё пойло в стойле.
     И в паутине я мухою бьюсь,
     Сама же паук поневоле.
     Я всё что угодно.
     Судьба такова:
     Быть женщиной –
     Значит не быть ей.
     Шучу я серьёзно –
     Права не права –
     Терпите, подруги, терпите.

В этом сборнике «лирическая героиня выступает в роли роковой женщины, добивается власти над мужчиной» /Федорова/. Но в то же время, она слабая, ей хочется любви, семейного счастья. Чаще всего поэтесса описывает половинчатую любовь без взаимности. Ведущий лейтмотив её любовной лирики – одиночество. Лирическая героиня боится остаться одна. «Лирическая цель А. Кузнецовой – непременно обладать объектом вожделений, владеть им полностью, поглотить его. Как раз это объясняется боязнью одиночества, аутофобией – боязнью самого себя»,– пишет в своей статье Алексей Арзамазов. В 2000 году выходит последний сборник Аллы Кузнецовой «Из жизни и из сна» (Улонысь но…уйвӧтысь но…), в котором она «поклоняется» хлебу, природе, просит Бога о защите, открывает горесть бездетной матери, ждет своё счастье, переосмысляет свою жизнь…

Аллу Алексеевну невозможно забыть, её стихи полюбились народом, стали песнями.

Алла Кузнецова трагически погибла в 2003 году.

(Роза Николаева, Любовь Федорова)